House of Curiosity... » شباب، الإزدواجيه، النفاق، العولمة، التوتر،، http://madas.jordanplanet.org Casting the first stone Tue, 07 Feb 2012 05:08:20 +0000 http://wordpress.org/?v=2.9.1 en hourly 1 الإزدواجية عند الشباب: هذا حساب و هذا حساب http://madas.jordanplanet.org/2010/01/13/%d8%a7%d9%84%d8%a5%d8%b2%d8%af%d9%88%d8%a7%d8%ac%d9%8a%d8%a9-%d8%b9%d9%86%d8%af-%d8%a7%d9%84%d8%b4%d8%a8%d8%a7%d8%a8-%d9%87%d8%b0%d8%a7-%d8%ad%d8%b3%d8%a7%d8%a8-%d9%88-%d9%87%d8%b0%d8%a7-%d8%ad%d8%b3/ http://madas.jordanplanet.org/2010/01/13/%d8%a7%d9%84%d8%a5%d8%b2%d8%af%d9%88%d8%a7%d8%ac%d9%8a%d8%a9-%d8%b9%d9%86%d8%af-%d8%a7%d9%84%d8%b4%d8%a8%d8%a7%d8%a8-%d9%87%d8%b0%d8%a7-%d8%ad%d8%b3%d8%a7%d8%a8-%d9%88-%d9%87%d8%b0%d8%a7-%d8%ad%d8%b3/#comments Wed, 13 Jan 2010 05:00:04 +0000 Madas http://madas.jordanplanet.org/?p=1153
هذا الموضوع مبني على موضوع انتشر باللغة الإنجليزية قبل فترة، رجعت كتبته لأنه زميلتي بالعمل كانت عم بتقول لي كيف انه هي بتعيش حياتين مختلفتين. هي بتحب السهر و الشرب و الطلعات اللي مش دائما بكونوا مقبولين اجتماعيا على حد قولها. بس بنفس الوقت هي ما بتقطع فرض صلاه. هذا حساب و هذا حساب  هي بتقول  

و اللي خلاني اكتب موضوع ماهر وقتها اني شفته بالشارع بعد فترة كتير طويلة. ماهر من أكتر معارفي ليبرالية بالرغم انه عائلته محافظة كتير. و بما اني ما شفته لفترة ما كنت عارفه اخباره. فقرر يقول لي عن اخر… شو نسميه… تحدي يمكن؟؟ المشكلة بسيطة، اهله رح يصيبهم انهيار عصبي لو اهل خطيبته ذكروا انه بدهم يكون في مشاريب كحوليه في العرس. بالنسبه لأهله هذا الموضوع مهين و مشين و عار. بس مش هون المشكله. المشكلة ما بتتعلق بالكحول ابدا. المشكلة هي انه اهل خطيبته رح ينجنوا لو عرفوا انه عائلته ما رح يحضروا العرس اذا كان مختلط…هم بطلوا يروحوا على أعراس مختلطة ، من وقت ما راحوا لاداء مناسك الحج قبل كم سنه. خطيبته وحدانيه، اهلها كتير متحمسين على العرس لانهم هم انفسهم ما عملوا عرس. هذا العرس هوعرس أحلام الأم و الأب!

الكلام مع ماهر خلاني اشوف كيف هو بعيش حياتين منفصلتين. اراءة ليبيراليه، بيشرب، وبيلعب شدة، و بيسهر لما يكون مع خطيبته و اهلها. لكنه محافظ، ما بيشرب، ما بيقطع فرض صلاه و كتير اراءه متشددة في حكمه على الأمور لما يكون مع أهله.  و شكله هذا الكلام بينطبق على العائله كلها. أخوانه، اخواته، وأبناء الأعمام كلهم بعيشوا بنفس الطريقه. بكونوا منفتحين كتير لما يكونوا لحالهم، أو مع صديقاتهم / أصدقائهم، زوجاتهم و أزواجهم، وزملاء العمل، و بكونوا كتير محافظين في المناسبات العائلية. في الحقيقة ا ذا بتفتش عليهم، بتلاقيهم بتريدر فيكس يوم الخميس بالليل، و في جامع الكالوتي كل صلاة ظهر الجمعة! و هم بيقولوا انه ما في تعارض هذا حساب و هذا حساب.

و انا بتواصل مع ماهر، فهمت مدى مدى تجزئتة لحياته. هذا الشاب بعيش حياتين متوازيتين. ما الهم علاقة مع بعض. زي كأنه شخصين مختلفين تماما، حتى ما بيشبهوا بعض. الحقيقة اني عم بكتشف من خلال عملي مع الشباب انه هذا الحكي بينطبق على الغالبيه العظمى من الشباب في الأردن. و خاصة في المجتمعات المحافظة، بغض النظر عن الطبقة الإقتصادية او الإجتماعية.  معظمهم عندهم هذي الإزدواجية في التصرفات و الشخصية و طريقة الحياة. و السبب انه هناك توتر ما بين الحرية الشخصية و ما بين الشخصية المجتمعية المتوقعه منهم. و ما بين الثقافة المحلية و ثقافة العولمه اللي الشباب بيطلعوا عليها بشكل مستمر عن طريق وسائل الإتصالات الحديثة. عم بلاحظ انه الشباب بيخلقوا مساحات حرية صغيرة في الضغط المستمر و بالتالي بصيروا بعيشوا عدة حياتات. و كلهم بيقولوا هذا حساب و هذا حساب. هل هذي مشكلة؟ ما بعرف الجواب

أحد المدرسين في جامعتي بلندن، طلب مني مرة اجاوب على مجموعة اسئلة افتراضيية بتتعلق بموضوع: كيف حياتنا في الشرق الأوسط يمكن أن تكون لو انها مش مجزاءة؟ كيف رح تتغير حياتنا، لو انه فجأة صارت مفتوحة من دون حكم المجتمع؟ شو بصير فينا لو انه كل واحد عمل اللي بده اياه بدون الشعور بالحاجة لإخفاء اي شي؟….. طلب مني اني اتصور الجهد اللي بنضعه حتى نتذكر القصص المختلفة اللي لازم نخلقها لكل شخصية و لكل حياة، الجهد اللي بنحتاجة حتى نتذكر الشخصيات المختلفة اللي بنخلقها للتعامل مع الناس المختلفين من حياة لحياة…. الأكاذيب المختلفة… المعايير المختلفة… القيم المختلفة… الأشكال المختلفة……. البدائل المختلفة… المشاعر المختلفة … قال لي افكر في كيفية تأثير هذا كله على صحتنا العقلية…

بعدين طلب مني أني أتخيل كيف بتكون الحياة بدون كل ذلك
لما فكرت بالموضوع صار عندي صداع.

استنتجت انه حياة الشباب هون كتير صعبة. اظن بعد عمر معين هم بصيروا زي باقي المجتمع و بعيدوا خلق هذا الجو على اولادههم . طبعا مش الكل هيك بس نسبة لا بأس فيها.
على كل حال، نهار جديد، و لازم اروح على الشغل . 

 

 

Share

]]> http://madas.jordanplanet.org/2010/01/13/%d8%a7%d9%84%d8%a5%d8%b2%d8%af%d9%88%d8%a7%d8%ac%d9%8a%d8%a9-%d8%b9%d9%86%d8%af-%d8%a7%d9%84%d8%b4%d8%a8%d8%a7%d8%a8-%d9%87%d8%b0%d8%a7-%d8%ad%d8%b3%d8%a7%d8%a8-%d9%88-%d9%87%d8%b0%d8%a7-%d8%ad%d8%b3/feed/ 5