شرح انه فكرة الشهامه بتوتر كثير من الستات. لما يحاول يحمل كيس ثقيل عن واحدة، بتطلع عليه ببرود و بتقوله “بقدر احمله لحالي” وبالتالي هو بفكر الله لا يردها، خليها تحمله لحالها. وضح محمد انه هو لما بيعرض على واحدة انه يحمللها اغراضها، هو بكون مدرك انه هي مش ضعيفه او اقل منه، بكون عارف انه هي قادرة… بس هو بالنسبة له هذا عرض احترام بسيط… المشكلة هي أن النساء بنزعجوا من احترامه، فبحس انهم ما بيستحقوا.

ن قال لي عن حادثه صارت معه و كانت في صلب الموضوع. كان هو ماشي قدام بنتين، دخل على مكان و انتظر على الباب و تركه مفتوح للبنات. لما حضراتهم وصلوا أخيرا، دخلوا وما شكروه و لا اتطّلعوا في خلقته . بقول انه البنات كانوا كتير وقحين و زي كأنه هو البواب اللي وظيفته انه يفتحلهم الباب. ن ما حس حاله انه بس انهان، بس شعر انه انقهر من هدول البنات. و قال انه الإنسان لازم تكون فيه نسبه حقد كتير كبيرة انه ما يشكر او ينظر لحدا عم بكون لطيف معه. كانت النتيجة شعورة انه المرأة الغرب عمانية ما بتيستحق الشهامة!

سامي قدم منظور ثالث، كان ماشي و شاف سيدة حامله طفل و كيسين. حاول يساعدها، بس هي فكرت انه عم بيتحركش فيها. و صارت تصرخ في وجهه في نص الشارع… سامي انحرج كتير و قال حسيت حالي قد الصرصور! بلش بدة يسب عليها و بس سب على حاله لأنه حاول يساعدها. قال، انه مشي و هو بدخن و معصب ووعد حاله انه ما عمره يساعد حدا. قال و هو بيمزح ” مش ناقصني اتحمل قضية شرف!”

ماهر بيقول انه الشهامه قلت بنسبة 80%، و السبب انه لما بيجي يساعد، البنات بيقولوا له ما دخلك. و لما تيجي تقول لشاب عن بنت بتخصه، بقول كل واحد اله بدفتر عائلته!

بلال ببقول انه الدنيا لسا فيها خير، و بالرغم انه بأكد على اراء الثانيين، بيقول انه في بعض الأحيان الشاب بيستحي انه يساعد او يعمل شي. و في كتير من الأحيان الثقافه بتمنعه. اذا ساعد مرأة على طول الناس بيتهموه بالرخص!

 انا ما بعتقد انه الرجل بخاف من الإلتزام. اذا لاقى الشخص المناسبة، على طول بيلتزم معها. اصلا اذا وصل لعمر معين و ما كان في حدا بحياته، بيشعر انه مش مستقر و بتكون نفسيتة مش مرتاحة 

” المشكلة انه البنات في عمان كتير مفزلكين! كتير بتطلبوا، بدها راتب كتير عالي، و بدها سيارة اخر موديل، و بدها فيلا كتير كبيرة، و ما بدها تغلب حالها بأي اشي. فالشاب بيقول شو بدي بوجع هالراس؟”

” خلينا ننسى المتطلبات المادية شوي. المشكلة هي انه البنات بفكروا بالرجل زي كأنة من مخلوق من حديد. يعني البنت بدها الرجل يدير باله عليها كأنه اب مش كأنه شريك. زي كأنها بتطلع من بيت ابوها الأول لبيت ابوها التاني”

رامي، 24سنة، تاجر،عزابي

“معيش احلق! وين التزم؟”

لؤي 19 سنه، طالب جامعي، عزابي

انا جاهز!