كيف نظام التعليم خذل شباب صف ثامن
رجعوا الاولاد للمدارس! و رح أضيف كلمة حمدلله.
و بالرغم إني كثير سعيدة بالنتائج اللي أنجزها المعلمين. و كنت داعمة للاضطراب قالبا و مضمونا، لأنه صار وقت انه المواطن الأردني يتضامن و يطالب بحقوقه. والأفضل من هيك انه هذا كان هذا جهد شعبي، فيه تعاضد كامل من جميع فئات الشعب بغض النظر عن أصولهم و منابتهم. و لكن هذا مش موضوعي اليوم.
موضوعي اليوم متعلق ب 3 شباب في الصف التاسع. كانوا يطلوا علي كل يوم في فترة الإضراب، خلال جولتهم النهارية خارج قبضة البيت و المدرسة. و في أحد الأيام طلبت منهم يكتبوا لي آراءهم في موضوع الإضراب. و الحقيقة انه أجوبتهم صدمتني! و بحب
أشارككم فيه.
الفكرة اللي بحاول أوصلها من هذه الصور هي تساؤل حول مستوى كتابة و تعبير شباب صف ثامن، مش صف ثاني بالمناسبة ! . الشي الوحيد الواضح بالنسبة الي هو انه نظام التعليم في الأردن خذل المواطنين. و هذا بثير تساؤلات حول إضراب المعلمين و انه اذا تحسن الوضع الاقتصادي الهم رح يتحسن أداؤهم؟ ما عدت متأكدة مثل قبل.
و في هذا السياق، كنت بقرا في كتاب سوبر فريكونومكس انه نظام التعليم تراجع في كل العالم. و السبب اللي أعطوه هو انه التعليم كانت هي الوظيفة المفتوحة امام النساء، و بالتالي أفضل نساء وأذكاهم كانوا قائمين بنظام التعليم. و خاصة انه العمل كان فيه تحدي، و بالتالي السيدات اللي كانوا يعملوا كان عندهم طموح و شغف.
و لكن لما فتح سوق العمل أبوابه أمام النساء، انطلقت أفضل نساء للسياسة و الطب و المحاماه والإدارة….الخ، وظائف كانوا يشعروا من خلالها بالانجاز واستلم نظام التعليم الأشخاص الأقل ذكاء و اهتمام أو طموح أو شغف.
![IMG_0150[1]](http://farm9.staticflickr.com/8168/7466787830_1ae1104b5d_m.jpg)
![IMG_0154[1]](http://farm9.staticflickr.com/8163/7466765652_6c4f552399_m.jpg)
![IMG_0152[1]](http://farm8.staticflickr.com/7253/7466761766_eb112ee6a3_m.jpg)
![IMG_0157[1]](http://farm8.staticflickr.com/7112/7466755688_2f25b64758_m.jpg)
Recent Comments