المرأة و الراتب: الجزء الثاني
سيناريو
بحب ابني سيناريو حتى اسلّط الضوء على كيف بتكون الأمور من منظور المرأة الأردنية…
عروس جديدة. كل شي جديد، بيت جديد، اشياء جديدة، تجربة العيش مع رجل غريب لأول مرّة، تجربة العيش بعيد عن بيتها و اهلها اللي كانت بينهم محمية و مغمضة. … لما تكون الأمور لسا محرجة، و في كتير حكي لسا ما انحكى، و الإثنين لسا لابسين الأقنعة ، العريس بيقترح انهم يفتحوا حساب مشترك في البنك، و هي بتقبل عن طيب خاطر.
المهم بينفتح الحساب المشترك ، وكل كم أشهر، بيتحول المصاري لحساب الزوج ، هو الحساب الرئيسي الذي بيدفعوا كل شيء… قرض المنزل ، قرض السيارات ، وبطاقات الائتمان، عفش البيت، و بعدين مدارس الأولاد… ما بيناقشوا ولا شي، لأنه موضوع المصاري هو واحد من كتير قضايا راحت فرصة نقاشها ،…و بعد كم شهر من الزواج، لما يصير في عشرة و محبة، بصير حتى التفكير في الموضوع محرج.
عم بكتشف انه موضوع المصاري موضوع كتير معقّد. الناس ما بتحكي فيه، و بتتجنبه. قريبتي سلمى، كانت بتشرحلي كيف انه لبعد سنين من ما اتزوجت، كانت تروح لأبوها تاخد منه مصاري، بالرغم انه زوجها كان وضعة منيح. زوجها انجن لما عرف، و لما سألها قالتله انه هي كانت تستحي تطلب منه. هلأ بعد سنين من الزواج بتقول انه هلأ ما بتستحي ابدا، بالعكس كتير ماخدة راحتها، و بتطلب من زوجها بكل جرأة. بس كانت الطريق لتوصل لهدا الحال كانت طويلة و صعبة. و بتقول انه هي بتتمنى لو انه حدا فهمّها أنه لازم اتناقش هذا الموضوع مع زوجها من قبل ما يتزوجوا.
شو رأي الجدة في هذه المسألة؟
وجهة نظر تانية
قبل كم سنوات كنت في الولايات المتحدة، شفت اثنين من اصحابي اللي كانوا على وشك الزواج. بتذكر المناقشه اللي عملناها وقتها كتير امنيح، حتي اني كتبت عنها و قتها. بس باختصار كانوا مش كتير مبسوطين من بعض يوم ما شفتهم، كانوا جايين من قعدة بالكنيسة وقتها. قبل ما اي حدا يتزوج، كانت الكنيسة بتطلب منهم انه يحضورا جلسات مع ناس خبراء في امور الزواج. بيحكوا عن اشياء ممكن اتأثر على حياتهم، مثل الأمور الماليه، الممتلكات، اذا الست بدها تشتغل او تقعد بالبيت، قديش بدهم اولاد، وين بدهم يسكنوا، كيف العلاقات مع عائلاتهم بدها تكون … اصحابي عرفوا وقتها انهم ما ناقشوا موضوع المصاري، و الأهم من هيك اكتشفوا انهم مش متفقين على هذا الموضوع…. هم اتزوجوا بالأخر بس مش قبل ما حطّوا خطة مالية كتير دقيقة. هلأ هم بيعيشوا حياة كتير أنيقة… وهم الإثنين كتير واعيينن انهم ما بقدروا انهم يحفاظوا على نمط حياتهم ، إذا واحد فيهم توقف عن العمل ، أو إذا واحد منهم قرر انه ما يشارك بدخله….
السؤال اللي بيطرح نفسه هون هل يجب ان تشارك الزوجات بدخلهم، و شو هي احسن اليه حتى انه حقوق الطرفين تنحفظ و يعيشوا بأفضل طريقة ممكنه بهذا الدخل؟
![IMG_0039[1]](http://farm8.staticflickr.com/7121/6962859922_2342ea8985_m.jpg)
I think it depends on their financial situation. If they are both young and starting out in life, and she has a career, I think she should help him, until things are better. If he is well off, she doesn’t need to.
Reply
في بنات بحبو يشتغلو.. بلاقو حالهم بالشغل.. شخصيتهم بتكون بتطلب انهم يشتغلو ويحسو بهادا النوع من الاستقلاليه والقدره على إنجاز الأمور..
أنا دايماً بحكي إذا الرجال قادر إنو يفتح بيت لحالو من دون مساعدة راتب الزوجه.. فأحسنلها تبقى بالبيت تربي ولادها..
Reply
مقولة إنو المرأة إذا ظلت في البيت بتكون دفنت حالها و خرّبت حياتها -المستقلة- انا مو معها! الظروف لكل عائلة أو أسرة بتحتّم طبيعة عمل المرأة و ديمومة هذا العمل أو لا. و لكن برأيي دور المرأة في داخل حدود بيتها يحتاج توسعة نوعية أكثر منها كمّية … التنشأة أصعب وظيفة على وجه الأرض كما يقال.
بالنسبة للمرأة العاملة إذا كان راتب و دخل زوجها يكفي لمتطلبات حياة الأسرة فالأجدى أن يبقى بحوزتها -برأيي-.
Reply
habeit il ta3likat illi ablee… 3ala hakikom imneeh minha hal sit inno joozha im2akilha o imlabis-ha o imnayemha bi beito.
The fact of the matter is that it totally depends on what type of marriage and relationship they have. If they see themselves as equal partners then that money should be theirs, both of them, but each keeps his stake separately(not a big fan of shared accounts without a reason) but if she feels that her husband is responsible for all her needs and should be the sole controller of money in the household then she might as well not show him a red dime because she will not see any.
Reply
[...] يعيشوا بأفضل طريقة ممكنه بهذا الدخل؟” كان هذا سؤال مريم بعد أن روت قصتين, الأولى عن فتاة, “عروس جديدة” طلب [...]
I imagine may well to be a great writer but you ought to usually put your personality inside your posts. It really is possible have pleasant composed content but if it isn’t composed effectively people won’t continue to examine it. Jenny
Reply