الفهم الخاطئ لأشهرالعدة
بالعادة بتجنب اكتب عن اي موضوع بيتعلق بالدين الإسلامي، و لكن موضوع اشهر العدة كان و لا زال بحيرني.
اول مرة كتبت فيه قبل كم سنه، لما اتصلت مع صديقة في دبي حتى ادردش معها، و خاصة انه حماها كان توفى من وقت قليل، و حماتها انتقلت حتى تعيش معهم بما انه هم اقرباءها الوحيدين.
ما علينا، المهم انه وقتها شرحتلي انه حماتها كانت كتير سعيدة لأنه انتهت اشهر العدة، و كانت حاسه انها طلعت من السجن. وقتها انصدمت و سألتها بسذاجه، “ليش هي حماتك رح تتزوج؟”
طبعا صديقتي وضحتلي كيف انه المفاهيم عندي ملخبطة و انه لازم اخجل من نفسي من مجرد السؤال، و فهمتني كيف انه بعاداتهم السيدة ممنوع تطلع من البيت، او تحكي مع اي رجل غريب خلال اشهر العدة لأنه هذا حرام! و اكدتلي انهم حاولوا ياخذوا اكثر من رأي من عدة شيوخ بس الكل اكد على صحة الإعتقاد.
وقبل ما نروح لأبعد من هيك في القصة ، واسمحوا لي أن اوضح مفهومي لأشهر العدة في الإسلام. مفهومي لهذا الموضوع هو انه العدة بتطبق على اي امرأء انتهى زواجها اما بالطلاق او بموت زوجها. و القضيه هي انها ما بتقدر تتزوج لمدة 3 شهر و عشر ايام. و السبب لهذا القانون، برأي، هو التأكد من أنها مش حامل. و انا اعتقادي مبني من فهمي لأيه رقم 228 من سورة البقرة . جميع التفاسير المعروفة بتتفق على انه المرأة يجب ان ننتظر ثلاث اشهر قبل أن تتزوج مرة أخرى. وإذا كانت المرأة كبير بالسن، فلا يجب ان ننتظر… و الصراحة مش فاهمة من وين الشيوخ اللي سألتهم صديقتي جابوا الجواب
لما صديقتي شرحتلي وضع حماتها كتير انزعجت، و السبب هو انه هذي العائلة محافظة لكنها وسطيه، و هم متدينين و متعلمين و مثقفين. اللي ازعجني هو انه هي اتقبلت رأي اللي حولها بدون ما يخطر على بالها انها تسأل اذا كان الكلام منطقي او لا، خلص قبلت بالجواب حتى من دون استجواب. يعني ما شعرت انها حكمت عقلها.
فدفعتني اني أتساءل إذا كان الأشخاص الأذكياء ، والمتعلمين مثلها بيوقعوا في فخ الجهل، فكيف بقدر الوم ملايين السيدات اللي بالعالم اللي بيعتقدون و بأمنوا بكتير من الأفكار الخاطئة لمجرد أن الشيخ هيك حكى؟
المهم شو اللي جاب هذي السيرة؟
كنت عم بحكي مع شخص اتعرفت عليها من احدى قرى مصر، و وضحتلي انه بنتها اتطلقت و كيف لازم يحبسوها بالبيت لما تنتهي العدة لأنه بإعتقادهم اذا طلعت من البيت قبل ما تخلص العدة، رح تجيب المصايب لكل القريه، رح يصير فياضانات و يموتوا الأولاد، و يخرب الزرع و يصير زلازل و مصايب ومصايب! و كانت عم بتشكي من المجتمع اللي حولهم و كيف انه المرأة اصلا هيك هيك بتتهمش لما تتطلق، حتى لو هي كانت مظلومة، و كيف انه هذا القانون الإجتماعي بيعمل على تحويل المرأة من ست مظلومه لوحشه بتجيب الفال السيء.
اطلعت بنتيجة هي انه مصيبتنا في العالم العربي هي لما بنحكم على الدين من منظور جاهل، و بنشّّبكة بالعادات و التقاليدالشرقية و بنقول انه هذا دين، لدرجة انه الواحد ما بيعرف وين الصح و وين الخطأ.
اتمنتلها انه الله يوقف معها في محنتها، اللي هي مش الطلاق، بس الإعتقادات السائدة اللي بتعقد حياتهاو حياة ملايين السيدات في العالم، بكل اجناسهم و اصولهم و منابتهم.
و بالمناسبة وجدت شي بيحكي عن هذا الموضوع في كتاب واحة الغروب لبهاء طاهر. الكتاب ماشي حاله اذا حدا زهقان و حابب يقرأ كتاب عربي.
تعرفي، بعض الناس بتمارس الشرك و الكفر بإسم الدين في اشياء ما انزل الله بها من سلطان. و منها بعض الإعتقادات التي تسربت من العادات و الأصول الوثنية و ارتبطت بسبب الجهل و التخلّف بالدين
يعني الإسلام مثلا احل زواج المرأة بعد طلاقها او موت زوجها! شو يعني لازم تنحرق معاه زي بعض الديانات؟
غير عن هيك الإسلام نهى بشكل شديد عن التشائم و التطّير و بقيّة الخزعبلات المصاحبة لهما. يعني اذا واحد سب و لعن الدين او حتى هدم الكعبة ليس بالضرورة ان يقع عليه عقاب او اي شيء في الدنيا. شيء مؤسف ان العلماء الأفاضل لا يتصدّون لهذا النوع من الخزعبلات و ينشغلون بتحريم ميكي ماوس و فيس بوك
Reply
Madas Reply:
February 8th, 2010 at 10:41
Reply
للأسف المجتمع العربي ديماً بيطلع على الرجل المطلق إنو مسكين وإلي كان متجوزها ماكانت كويسه وبروح بخطب من تاني وبتجاوز..
بس لما نيجي نحكي عن المرأه المطلقة الكل بظلمها.. بتكون هية إلي ماعرفت تحافظ على بيتها وجوزها والكل بصير يعطيها نظره حامضة..
أنا كتير سمعت قصص بنات متجوزين ومظلومين مع جيزانهم بس متحملين عشان الأولاد مايتربوا ايتام اء على ايد مرت الأب وعشان مايصير المجتمع ينظرلها نظرة المطلقة إلي خلص راحت عليها..حتى لو كانت متعلمه وواصلة شهاده الماجستير..
You reminded me of a post I read a while ago that talks about being a divorced woman;
http://freedom-iamfreedom.blogspot.com/2009/09/blog-post_29.html
Reply
Madas Reply:
February 9th, 2010 at 07:33
شكرا للتعليق، و كلامك صحيح، اعتقد انه الطلاق موضوع شائك و فيه كتير مشاكل، خاصة لأنه نحنا مجتمعنا غير عادل للمرأة مثل ما قلتي. عشان هيك بعتقد انه لما شخصين يتفقوا انه هم غير راضيين عن بعض، فخطوة الطلاق ما بتيجي الا بعد دراسة عميقةو تفكير طويل و بتطلب جراءة كبيرة من الطرفين، و خاصة لما يكون في اطفال،
Reply
الصحيح أنها تنتظر أربعة أشهر وعشر أيام (الآية 234 من سورة البقرة) أما المطلقة فتنتظر ثلاثة أشهر (الآية 228 من سورة البقرة).
برأيي، وبما أننا يجب أن نلجأ للشخص الخبير في كل مجال لأخذ الرأي الصحيح منه، فيتوجب علينا أخذ الرأي الديني من العالم في أمور الدين والشريعة والذي نثق به وبرأيه حيث أن تفسير القرآن هو علم شرعي متكامل تدخل فيه أمور كثيرة مثل علم الطب، الفيزياء ، ألخ…
أتسائل لماذا نلجأ لأهل العلم والخبرة في مجالات الحياة العلمية بينما نرفض ذلك في حالة العلوم الشرعية. أعتقد لأنها تعارض تفكيرنا وطريقة حياتنا.
مع كل الإحترام لجميع الآراء
Reply
Madas Reply:
February 9th, 2010 at 07:45
شكرا للتعليق، و انا اوافقك الرأي بأنه يجب ان نلحأ لعالم دين نثق فيه. المشكله التي يواجها العديدين هي انه بعض علماء الدين لا يواكبون تطورات العصر و المدنية التي نعيش فيها. ففي مثل اشهر العدة، القرأن و التفاسير اتفقت على عدم الزواج، و لكنها لم تتطرق لفكرة خروج المرأة من المنزل لقضاء حاجاتها، مثلا لم تنهها عن العمل. فعندما يقول الشيخ ممنوع الخروج من المنزل, كيف سيؤثر هذا على حياتها؟ و على حياة عائلتها اذا كان عملها هو مصدر الرزق الوحيد لهم؟ او اذا كان عليها اخذ ابنائها الى المدرسة او شراء حاجاتها او اي شيء اخر؟
المشكلة انه نحنا دائما نسمع ان الدين دين يسر و لكن بعض الأراء المتعنته تحوله الى دين عسير. و لذا لا يلجأ الناس الى العلماء في اراؤهم الدينية، بينما يلجؤن الى الأطباء و المتخصصين في الأمور الأخرى
فكلامك صحيح اراء الشيوخ وصلت الى مرحله بحيث اصبحت تتعارض مع ما هو سائد و معروف.،
Reply
This is very sad, I can not remember any versus from the holy qouran or a hadethh the ask widows and divorced women to stay at home, what makes things worse is mixing religion with traditions, many civilization have passed our region leaving very diverse heritages which puts a stick on every wheel around our daily and social life.
Thanks for bringing such an important topic !
Reply
Madas Reply:
February 10th, 2010 at 20:27
Thank you for your comment. very well said. mixing the culture and religion together makes things very difficult sometimes. Espeically that the combination of religion and culture deprive women from so much freedom.
Reply
اطلعت بنتيجة هي انه مصيبتنا في العالم العربي هي لما بنحكم على الدين من منظور جاهل، و بنشّّبكة بالعادات و التقاليدالشرقية و بنقول انه هذا دين، لدرجة انه الواحد ما بيعرف وين الصح و وين الخطأ.
Bilzabt! What a refreshing read!
Wondeful blog. Just wonderful.
Reply
Madas Reply:
June 6th, 2010 at 15:51
Thank you
Reply