مقاومة البسطاء- اهالي العقبة يدعمون قافلة شريان الحياة بقدراتهم البسيطة
كلنا حابسين انفاسنا و نحنا بنتابع مسيرة قافلة شريان الحياة. غادرت القافلة ميناء اللاذقية ظهر يوم الجمعة على متن سفن باتجاه ميناء العريش المصري. الشي الوحيد اللي بنقدر نقوله هو الله معهم.
لما كانت القافلة بالعقبة، هبّوا الناس حتى يقدموا القليل اللي بيقدروا عليه. كانوا يطبخوا للناس اللي بالقافلة، يعملولهم شاي و قهوة و يفتحولهم بيوتهم حتي يتحمموا و يغيروا ملابسهم. و بالرغم انه الأشياء اللي كانوا يساهموا فيها كانت اشياء صغيرة، الا انها بتسوى الدنيا.
في هذا الفيديو، لقطت كاميرة الجزيرة واحده من عماتي و هي بتحاول تطبخ للناس اللي بالقافلة.
نحنا كتير فخورين فيها و بجهود كل الناس اللي ما بستسلموا و بيقاوموا الظلم الكبير بوسائلهم الصغيرة و بيقدموا القليل اللي عندهم بكل كرم.
..الله يديم المعروف وإن شاء الله هالعمل بكون في ميزان حسناتهم
Reply
Madas Reply:
January 6th, 2010 at 15:46
دائما انشاءالله
Reply
الله يعطيهم العافية …اهل العقبة شرفوا كل اردني بكرمهم وحسن ضيافتهم اشي بيرفع الراس
ياسر ابو هلالة مصمم على وضع جيهة العمل الاسلامي في صدارة اي حدث بيغطي
Reply
Madas Reply:
January 6th, 2010 at 21:01
من الرائع ان نستطيع سماع وجهات نظر مختلفة، و منها وجهة نظر ياسر ابو هلالة و جبهة العمل الإسلامي
Reply